Әлемнің төртінші ракеткасы Коко Гауфф Қытайда өтетін WTA-1000 турниріне қатыспайтынын мәлімдеді, осылайша былтырғы чемпион өз титулын қорғамайтын болды.
Әлемдік рейтингте төртінші орында тұрған америкалық теннисші Коко Гауфф Уханьда өтетін WTA-1000 турниріне қатысудан бас тартты. Спортшының бұл шешімі былтырғы жеңісінен кейін өз титулын қорғау мүмкіндігінен айырылатынын білдіреді.
Гауфф бұл қадамға ұзаққа созылған маусымнан кейін денесіне демалыс беріп, күш жинау мақсатында барғанын жеткізді. Ол өз ағзасына қалпына келу үшін уақыт қажет екенін атап өтті.
Соңғы нәтижелер
Теннисшінің бұл шешімі Бейжіңдегі турнирден кейін қабылданды. Ол жарыстың 1/8 финалында Элизе Мертенстен жеңіліп, турнирден шығып қалған болатын.
Еске сала кетейік, өткен жылы Коко Гауфф Уханьдағы турнирдің финалында Джессика Пегуланы жеңіп, чемпион атанған еді.
Дереккөз: ProSports.kz